غيرة .. .. الغيرة بححححح ..راحت<<ارجو من الحميع الدخول

السلام عليكم ورحمة الله وبركاته..
نبدأ...:-



والله يا أخواني وبالأخص أخواتي أن الناس ما عاد صارت تفكر..
ما ودي أطول عليكم بقول لكم القصة أول ثم بتكلم وأعلق وأتفلسف..

تقول القصة أنه في شخص كان عايش متهني ويا زوجته .. تحبه ويحبها .. عايشين حياة حلوة..
وزادة حياتهم فرحة لما درى أنها حامل..

ومرت الأيام ووصلت الزوجة لآواخر شهرها التاسع ..
وفي يوم من الأيام .. وفي الصباح .. جا للحرمة الطلق ..

وصحت زوجها من النوم .. وأخذها على المستشفى .. ولما وصلوا .. وكشفوا عليها .. قالوا أنها بعد ساعة أو أكثر .. أو يمكن أقل .. بيجيها الطلق الحقيقي.. (( حق الولادة ))

وجلس الرجال ينتظر في السيب .. رايح جاي .. رايح جاي.. متر السيب ..

وبعد تقريبا ساعة وزيادة .. كان فيه شخص لابس لباس دكتور .. (( هو دكتور فعلا)) ..

ولما شافه الرجال .. صرخ بأعلى صوته .. : فلان !!!!!!!!!!!! أهليييييييييييييين .. ياهلا والله .. كيف حاك.؟؟ شخبارك ؟؟ شمسوين ؟؟ بخير ؟؟ ياهلا والله ..

(( كان هذا الدكتور زميل له في الثانوي ..))
وهم يسولفون سأله الدكتور.: هاه ؟؟ شعندك هنا من الصباح ؟؟

الرجال: أه ه ه .. والله زوجتي جاها الطلق .. وجبتها من أكثر من ساعتين .. وقالوا أنها بتولد .. لكن ما يدرون متى .. وأنا هنا أنتظرهم ..

الدكتور: زوجتك تولد؟؟ لحظة .. منهي زوجتك؟؟

الرجال : فلانه(( ما أعرف أمها الحقيقي )) بنت فلان(( ما أعرف أسم أبوها الحقيقي)) ..

الدكتور: فلانه بنت فلان ما غيرها ؟؟

الرجال خاف على زوجته: إي ليش ؟؟ شفيها ؟؟

الدكتور : لا أبد .. ما فيها شي .. أنا مناوب هنا اليوم .. وكلموني قالوا في حالة ولادة لفلانه .. ((اللي هي زوجته )) وأنا جاي أنتظر إلين ما يقولون أن الطلق الحقيقي جاها .. وبروح لها ..

الرجال بكل برود وبكل حماقة .. وبكل ........: خلاص أجل دامك تنتظر .. خلك هنا نسولف .. إلين ما يكلمونك ويقولون أن الطلق جاها .. وبعدين رح..


تمت..

يعني يا أخواني واحد مثل هذا الرجال شتقولون عليه ..؟؟ مع أن في المستشفى كان فيه دكتورة نساء وولادة .. صحيح أنها عندها حالة ثانية .. بس حالتها بتخلص قبل ما يجي للزوجة الطلق.. (( لأن الولادة ما تجي فجأة .. في بدايات لها .. مثل المشهور بين الناس .. اللي هو الطلق الكاذب .. ))

يعني هذا رجال ما أدري شلون يفكر .. (( يا أخواني تدرون وش يعني ولادة طبيعية .. ))
حتى لو كان فيه ناس يقولون أنه المنظر ما يفتن يعني .. لكن مهما كان .. يظل الأمر .. وفي كثييير من القصص تقول أن الدكتور تعرف على الحرمة اللي ولدت عنده .. وسار يكلمها ..ويكتب لها مواعيد .. ومراجعات .. وفي كل مرة يكشف عليها .. (( مو الكشف الطبي .. -_ كشف من عند الدكتور _- وفي النهاية ..........

لكن في شي الناس تعتقد أنه أخف ..

اللي هو .. .. لحظة ..
خلوني أقول لكم قصة ..

كان فيه بنتين شابتين في زهرة شبابهم .. وكل وحدة كانت أحلى من الثانية .. وكانوا ينمصون حواجبهم .. وما يطلعون للسوق إلا بالمكياج الكامل .. وبدون غطاء..

والأدهى من كل هذا أنهم كانوا يحرضون صديقاتهم على أنهم ينمصون ..

تجي للوحدة وتقول لها : ما شاء الله عليك.. أحلى من القمر .. وجهك حلو .. وعيونك كبيرة .. وحواجبك دايم مرفوعة .. ورموشك طويلة .. بس تدرين ؟؟ أنتي ناقصك شي صغيييييير ..
في شعرات زايدة من الطرف في حواجبك .. بس لو تحدديها .. تطلعين فووووولا ..

وتستمر في اللعب في راس البنت الين تخليها تنمص ..

وفي مرة من المرات .. قامت وحدة منهم الصباح وهي تصرخ من كثر الألم اللي في بطنها ..
قامت أختها .. وراحوا للمستشفى ..

وفي النهاية طلع أن البنت عندها السرطان .. (( الله لا يجيب لكم الشر)) ..
وقالوا أن المرض توه بادي .. ويقدرون يسيطرون عليه .. بس لازم تتحمل الآلام ..

وجلست البنت في المستشفى تتألم .. وتتألم .. وتنتظر .. وزاد عليها الألم .. وهي تحاول تتصبر .. وزاد الأم وزاد .. وزاد .. الين صارت البنت تصرخ بأعلى صوتها .. وتنادي أختها .. وقالت لها أنها تنادي الدكتور ..

ولما جا الدكتور.. صرخت عليه بأنها ما تقدر تتحمل الألم .. وأنه يسوي أي شي .. أهم شي يروح الألم .. ومو لازم يروح .. بس يخف على الأقل..

فقال لها الدكتور أنها ما لها إلا دواء واحد .. وهو مسكن .. لكن هالمسكن قوي مرررة .. وبيطيح لها شعرها ..
شعرها كله .. أو أنها تتحمل الين ما يروح عنها بنفسه بعد ما تنشفي ..

فقالت البنت : لأ .. دامه بيطيح شعري .. خلوه .. أتحمل ..

لكن الألم زاد عليها .. وزاد .. الين حست أنها بتموت .. فصرخت تنادي الدكتور .. وأختها راحت تركض تنادي الدكتور وهي تصيح على حالت أختها (( أصلا من ذاك اليوم الصباح وهي تصيح على أختها )) ولما جا الدكتور .. قالت له أنه يعطيها المسكن .. وله يصير اللي يصير .. وحاول معها الدكتور كم مرة أنها تصبر شوي.. لكنها ما رضت .. وكل شوي وهي تصرخ عليه بأنه ما له شغل فيها .. وأنها بتموت من الألم ..

فجاب لها الدكتور ورقة توقع عليها بأنها موافقة على أنها تاخذ المسكن الفلاني اللي أعراضة قد تكون .
كذا وكذا وكذا وكذا .. وكان منها أنها تطيح شعر الجسم كله .. حتى شعر الحواجب .. والرأس .. وكل شي..

فأخذت الورقة .. وقرت الأعراض .. ومن خوفها ترددت .. لكن الألم ما خلى لها مجال أنها تفكر .. فوقعت ..

وجو .. وأعطوها المسكن .. وهدأت حالتها .. وراح عنها الألم ..

لكن بعد يومين أو أقل .. بدأ شعرها يطيح ..

كانت تستعمل له أنواع الشامبو .. وأنواع البلسم .. لكن ما نفع .. وأختها ما خلت نوع شامبو ولا بلسم ولا كريم إلا جابته لها في المستشفى ..

وما نفع .. وزاد تساقط الشعر الييييييين صارت البنت بدون شعر تماماً..

كانت حالتها النفسية منهارة جددددداً.. ومرة طلبت من أختها مراية .. عشان تشوف شكلها ..
لكن أختها رفضت .. وهي ألحت عليها .. وأختها عاندت أكثر وأكثر ..

ومرة جاتها عاملة من المسؤولات عن توزيع الأكل .. فطلبت منها أنها تجيب لها مراية ..

وفعلا جابت لها المراية ..لكن كانت الصدمة.............................

صاحت البنت .. وصرخت .. وبكت .. وخافت من شكلها ..
كان شكلها يخوف .. ويضحك .. وغريب .. وكأنها من العرايس اللي بريالين ..(( اللي شعرها بلاستيك ))

تدرون شاللي صار بعد كذا.؟؟



تدرون شسوت البنت ؟؟



تدرون شلون عالجت البنت شكلها ؟؟









..,.. ..,.. ..,.. ..,.. ..,.. ..,.. تحجبت ..,.. ..,.. ..,.. ..,.. ..,.. ..,..


اللي صار هو أن البنت تحجبت .. صارت تلبس غطاء على وجهها عشان ما يشوفونها الناس..

بعد ما كانت مو بس تكشف وجهها.. كانت تخرج بالمكياج الكااااامل ..

ولكن السعيد من وعظ بغيره.. أختها اللي كانت وياها .. بعد تحجبت .. وعشان نفس السبب .. عشان ما يشوفونها الناس..

لكن الفرق كبيييييييييييير بين الأختين .. الله أعلم بنية البنت الأولى اللي تحجبت ..
لكن البنت الثانية .. عرفت وش يعني أن البنت جوهرة .. إذا كانت توري لمعانها لناس .. بيسرقونها .. راح يسرقونها .. لكنهم ما يعرفون يستخدمونها بعد ما يسرقونها .. لأنهم بيتمتعون وهم لابسينها .. الين تطيح منهم مرة على الأرض وتنكسر.. ويروح لمعانها .. وبعد كذا .. لأنهم ما تعبوا في قيمتها .. راح يخلونها مكانها .. ويدورون على جوهرة ثانية ..

لكن ..

هل تتوقعون حرامي .. يسرق جوهرة مكسورة؟؟ ... حتى لو كان حرامي .. وشافها مرمية في الأرض .. ما راح ياخذها .. فكيف تبون اللي يبي يشتري جوهرة .. وهو تعب فيها .. يروح ياخذ وحدة مرمية على الأرض ومكسورة بعد ..

مو أحسن أنه يروح يأخذ وحدة ما شافها إلا أصحابها .. أو اللي كانوا بيشترونها ؟؟ !!

أخواتي خلونا نفكر بعقولنا .. لو أنتي مكان الشاب .. وشفتي وحدة في السوق تطلع بنفس المظهر اللي أنتي طالعة فيه الحين .. هل بتقبلين أنك تاخذينها كشريكة لحياتك ؟؟ هل تقبلين بوحدة مثلك الحين؟؟

ما أتوقع أن فيه في الدنيا عاقل .. يروح وياخذ شي مستعمل .. ومو مستعمل وبس ..
إلا مستعمل استعمال رديء..

يعني مو مستعمل بنظافة .. يعني أصحابها باعوها لواحد كان يبيها .. ثم مات هالواحد .. أو أنه رجعها لأصحابها ..

هذي ممكن أن يجي أحد ثاني وياخذها ..

وبعدين لا تنسين أنك لو ما كنت الأحسن بين الشابات (( الشبابات)).. ما راح تكونين للأحسن بين الشباب ..

وبعدين أنا (( **القحطاني**)) ما أقول لك أنك بضاعة ومستعملة وما مستعملة .. أنا أمثل لك مثال حي .. لا تظنين يا أختي أنك بضاعة .. أو شي يباع و يشترى .. حاشا لكل أخت مسلمة أنها تكون كذا ..لكن ياليت لو كل وحدة تنتبه لنفسها .. وتفكر بعقلها ..

أنا ما أقول لك أنك تطلعين من البيت ببطانية سوداء.. ولا خيمة .. أهم شي أنك تستري نفسك بشي يمنع خروج لمعتك للحرامية .. أهم شي ان الحرامية لا يشوفون لمعانك .. لأنهم ما راح يخلونك ..

وبعدين لا تقولين أنا ما أوري نفسي للحرامية .. أقربائي وبس .. ترى فيه مثل يقول ..

شوفة المال السايب ... يعلم السرقة ...

تدرين يا أختي أن فيه عجوز سوووودة كانت تدور على ولدها بين الشهداء في معركة من المعارك ..
وكانت متغطية ..
فقالوا لها أنها تكشف عشان تشوفه زين .. (( عجوز ما راح أحد يناظر فيها ))
فصرخت عليهم وقالت : والله أني أخسر أبني و أضيعه .. أحسن وأهون عندي من أني أضيع حجابي ..

هذي وهي عجوز .. يعني لمعانها بااااهت وخفيف.. ويمكن معدومة اللمعان .. لكن هي عرفت قدر نفسها .. حتى على الأقل قدام نفسها وبس .. حتى لو أحترام لزوجها اللي كان يتمتع في لمعتها ..

تتوقعون أن العجوز ما كشفت عشان ما يشوفونها الرجال ويشوفون وجهها الأسود .. واللي تشقق من الكبر .. والتعب ..

لا ياناس لا .. لأن ما في أم في الدنيا كلها .. مهما كان قاسي قلبها .. تضيع ولدها .. أو حتى جثة ولدها .. عشان ما يشوفون الرجال عيوبها ..

وبالنسبة للي تقول أن زوجها يبيها كذا .. أو أهل زوجها كلهم كذا .. أو حتى أهلها كذا ..

أحب أقول لها .. أنها لو طاحت و انكسرت .. ما راح واحد منهم يرفعها ويصلحها .. وأولهم .. زوجها ..

وبعدين حتى لو .. لو .. كان في واحد فهمها .. ورفعها .. وصلحها .. ما راح ترجع لها لمعتها مثل أول .. مهما كانت نوعيتها ..
لأنها خلاص ..


.. أنكسرت ..





تقبلوا تحياتي

بقلمي...!